曹仁超文集-第424部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
，例如坐火车去西藏（7月1日通车），而唔系喺金融市场手多多。炒上炒落，迟早撞板。周五香港才知联储局嘅决定，站喺风险回报率睇，现水平港股仲系博唔过！捕捉上落市有如同影子玩捉迷藏，输家永远系你自己。如果你冇 sell in May，你可能憎个市累你输钱，甚至憎走势（太多买入、卖出讯号），但千万唔好赶注。赌仔输大钱嘅理由系赶注。将好钱掷落坏咗嘅投资项目上希望打和。一旦输钱，最好离场（唔怕磨烂席，只怕塘边鹤）。蚀本唯一应对策略系计数离场，第日再玩过。
世界不停在变，1987年股灾好似系昨天嘅事，原来转眼就快二十年。1997年好似过咗冇耐，原来已经九年啦。楼价喺1997年后首六年回落65％，最近三年又上升65％，但仍然唔少人要蚀本（由一万元一尺跌65％见三千五百元，上升65％后亦只有五千三百元）。香港劳工薪金自从1980年起渐渐失去议价能力，因为工厂内移，令一百一十万制造业工人须重新就业；加上每年嚟自中国三万六千多新移民加入竞争。1997年起香港中层打工仔亦渐渐失去议价能力，因为服务业后勤基地内移，估计最少一百万中级职员须重新搵工。通缩往往由工资及薪金停滞不前（或回落）引发，因为产品及服务愈嚟愈难搵买家。劳工阶级薪金不前，只令香港廉价产品无法加价，但中级职员再就业困难，才系香港1997年起楼价回落嘅元凶（唔系八万五政策）。分析未来楼价，主要睇未来中级职员就业机会，便可大概知道。
投资首重方向，如方向错误，一切都枉然。其次系唔信市场贴士，只有酒楼服务员或的士司机才要人畀贴士，市场贴士十之八九系流言（真嘅消息别人唔会话你知，讲你听嘅通常系假消息）。最好唔好感情用事，投资需要理性而非感性，恐慌时沽出者，事后都证明系做错；每次受贪念支配入市，事后亦付出代价。
1997年6月后，行业盛衰较大市方向更重要。我老曹担心商品喺5月11日见顶回落，黄金见七百三十美元后有排搞。每一代人都有难忘嘅恶梦，影响整个人嘅逻辑思维。例如经历过文化大革命嘅一代，喺1982年听到中国政府宣布收回1997年7月1日主权，引起莫名其妙嘅恐慌；或睇过1967至97年楼价由几十元一尺涨至过万元一尺，即使经过六年楼价回落期，只要有钱仍会去买楼一样。睇过1980至2001年黄金爱烂铜者，亦系打死佢都唔会再去买金。每个人都有自己嘅恶梦，系无法解释嘅结。
黄金低潮应在7月
2001年起嘅通胀，唔系需求超过供应推动（中国、印度、东欧及前苏联重返世界经济体系，令全球物资供过于求），而系中国过分投资固定资产，刺激天然原材料价格上升。其后对冲基金加入，将原材料价格升幅进一步夸大，其中包括泡沫成分在内。今年〃十一五〃规划下，中国决定改变经济增长模式，只系一时未见效。今年5月系咪改变嘅开始？如果全球经济自由化（而非1945年战后有一半国家采用社会主义及共产主义式制度），即重返三十年代、四十年代环境，所有物资长远而言系供过于求。更何况利率回落期引发嘅金融资产升值潮由1980年开始，2003年结束。1990年开始日本一再出现通缩，1997年8月起香港亦出现过通缩，贝南奇却要对付通胀，系咪唐吉阿德嘅风车？如果利率再加多二、三次，恐怕杀死嘅唔系通胀，而系全球经济繁荣。商品派对5月10日到底系中途歇歇抑或系尾站？仍搞唔清楚。最难分辨系中期调整与死猫反弹，往往要事后才睇得清楚。扣除通胀，1999至2001年商品价格系近二百年最低，今年5月商品价格（扣除通胀）相等于1974年12月高价时嘅三分一价格，情况有如1982至87年股市上升后，1987年10月股灾曾令股市失去40％市值（恒生指数跌幅更超过50％），但股灾之后牛市继续。金价由二十六年高位七百三十美元回落到五百四十二美元，系咪相等于1987年10月股灾？真系唔知道真正答案。由去年5月31日四百一十三点八美元，升至今年5月12日七百三十点四美元，如调整61。8％，应下跌一百九十五点六美元，理论上可见五百三十四点八美元。呢次金价见五百四十二美元，算唔算已完成调整？技术上睇，黄金低潮应喺7月，即下月才系决定性嘅日子。
UBS、雷曼兄弟、美国银行分析员不但相信8月8日再加息，而且相信今年内仲会加息！咁不但会令今年下半年GDP增长率放缓，亦将令明年增长率进一步放缓，但又不致引发衰退。如果未来利率唔系止于五厘半，而系五匣七五甚至六厘，明年经济放缓嘅程度的确有D令人担心。喺波士顿市哈佛大学附近嘅住宅，已由年初售价三十二万九千美元回落到二十九万九千美元，仲未卖出，此乃1999年以嚟首次。美国二手楼价不但停止上升，而且正在回落，5月份美国二手楼交易只达年率六百六十七万间，而利率仍在上升中。
压制中国不如投资中国
美国新任财长保尔森认为，对中国施压应转向要求金融系统开放。而非人民币升值。1900年欧洲到处都讲美国威胁论。英国论到嘅方法最好，唔系遏制美国崛起，而系到美国大量投资（If you can't beat them； join them！）。
二十一世纪中国将和平崛起，限制中国嘅策略已冇用，点解唔到中国投资？！
咁做不但符合美国利益，同时亦符合中国利益。站喺中国立场，引入外资会否危及国民经济利益？满清政府时代外资进入中国，赚走中国人嘅白银，引发通缩，令满清政府走向灭亡。1900年欧洲资金进入美国，却令美国日益强大。换言之，引入外资应同时引入技术、管理等，令自己强大，不然中国经济最终将被外资控制。今天中国引入外资，唔系喺船坚炮利之下嘅协议，而系两国对等下嘅贸易关系，应该系良性而非恶性。中国应欢迎外资进入，协助内地银行改革，然后嚟香港上市，吸收更大资金，进一步做大做强中国金融业，而非满清政府时代中国企业被外资吞掉。
美国、欧洲、澳洲、加拿大及其他国家都在加息，连日本亦可能喺才月份加息，人民币可以唔加息咩？为咗对抗资金流入，人民币实际利率已接近零（如非产能过剩令产品无法加价，恐怕中国已进入九十年代香港式负利率时代）。中国喺M2快速增长及原材料涨价压力下，已令楼价失控地上升，但因流动资金过剩，加息空间唔大。5月份贷款利率上升零点二七厘效果有乜；扩大存贷利率差，反而鼓励银行增加贷款。美元与人民币利率差扩大，更多银行利用利率差进行套利操作，令内地银行纯利大升。
瑞信陶冬认为，中国经 济有三〃过〃：一、投资过热；二、产能过剩；三、房价过高。上述都系流动资金过剩造成利率偏低嘅结果。货币环境一日唔回复正常化，利率水平亦无法正常化。中国呢三〃过〃暂时无法改，甚至人行亦老鼠拉龟。唔正常嘅货币政策（与美元长期挂钩）造成唔正常汇率；唔正常汇率形成唔正常利率；唔正常利率造成投资过热、产能过剩、楼价过高。中国依家情况同八十年代嘅日本、九十年代嘅香港一样，最后系走上日本之路抑或港式通缩？木宰羊。
券商唔睇好电盈卖资产
响金本位制度下，任何国家长期贸赤，都将面对别国把黄金提走，因此不能长期出现贸赤。1971年12月改用浮动汇率制度下，已冇咗上述威胁，形成美国可以不断印刷钞票（或信贷）。1972年至今美国收支赤字已超过三万亿美元，资金供应过剩，便喺世界各地制造一个又一个泡沫（1971至73年港股系第一个泡沫）。全球经济进入 Boom & Bust 期，股票市场、物业市场既可狂升又可暴跌，形成财富急速地转移。1980年中国加入国际资本流，渐渐成为世界工厂，压抑全球通胀上升速度，引发全球利率回落期，美国经济因此进入另一次繁荣期（1983年开始，2000年结束）。2ooa年TMT股泡沫爆破，美国经济应该进入衰退期，但2001年1月起美国利用减息及弱势美元政策避过咗衰退期，新增货币却被中国吸收咗（透过外贸赚返嚟或透过直接投资中国而流入），造成2001年至今中国固定资产投资迅速增加，带动全球原材料涨价。美国增加货币所产生嘅通胀压力，都去晒中国。
《京华时报》报道，继网通就电盈（008）拟出售资产发布反对声明后，作为网通主管部门及大股东嘅信产部及发改委亦开始介入。由国资委和信产部官员组成嘅七人小组，专程来港对电盈出售资产进行评估，以及分析对网通造成嘅影响，形成事件迅速政治化。美林证券、百富勤等表示，呢次电盈出售资产，因为不明朗因素过多而唔睇好，预计电盈股价可能持续下跌。
毕非德格言：畀子女〃做事〃嘅资本，唔好畀子女〃唔做事〃嘅资金。我老曹极之同意上述志法！将太多财富留畀子女，只系逼佢地做二世祖，从此不事生产。畀佢地〃做事〃嘅资本，让佢地为自己嘅事业努力同奋斗，从而享受赚钱过程，咁才系尽责嘅父亲。
银创控股（706）配售非上市认股证。
嘉禹国际（1226）、信星集团（1170） 7月10日；辰罡科技（8131） 13日；有不利集团（406） 17日；英皇娱乐酒店（296）、英皇国际（163）、东方表行（398） 19日公布业绩。
曹仁超
PDF原文：
原序号：600序号：
50
标题：
左摇右摆玩死人
来源：
信报
发布日期：
2006…07…01
全文：
6月30日，周五。恒生指数升402。4，收16267。62，指数重返五十天移动平均线之上；成交四百零五亿一千五百多万元。7月期指升411点，收16316点高水。MSCI 亚太区股市指数升3。7％，即第二季只跌3。3（仍系2004年6月以嚟跌幅最大嘅一季）。印度股市今天升4。4％、菲律宾升4。5％。认为8月8日联储局会再加息者降至62％（之前估计80％），令出口股大升。信置（083）升7。4％，见十二元四角；中石油（857）升3。8％，见八元三角。
人民币升0。03％，见7。993兑1美元，系去年7月21日以嚟最高。今年内韩园升6。5％，日圆升2。7％，人民币升1％。
恒指同50天线接吻
6月13日吓死人嘅场面，唔少人仍未忘记，6月30日又开〃派对〃？利率上升及 GDP 增长率放缓嘅乌云仲喺天上，并冇改变，却因贝南奇唔提8月8日再加息而咁快天朗气清？似乎太太太戏剧性矣，令人担心系贝南奇自己亦搞唔清楚，结果令股市大升大降，迷失方向。科网股泡沫爆破及〃九·一一惨剧〃后，保持经济增长成为联储局嘅责任。依家压抑通胀率成为联储局首要项目，尤其中国产品出口价正上升中，能源价升紧，服务成本亦增加，点样令通胀率保持1％至2％增长？股市上升后，贝南奇可能又后悔，日后又以强硬姿态出现7月份听证会亦唔奇。由呢点睇，投资策略都系保守D好。
喺熊市中，长期持有必输。熊市投资策略系利用每次超卖才入市，例如6月13日极度超卖时可以一博，通常反弹止于五十天移动平均线。周五恒生指数见16249点又可获利回吐，等候另一机会出现。由于恒指略高于五十天线，令人质疑6月13日起呢次上升到底系反弹市抑或系升市，短期无法回答，要睇多一、两个交易天才知。以指数计，6月13日至今升幅超过1000点，利润亦不俗。所谓牛熊分界线只系喺沙滩上划界，并唔重要。6月13日跌穿二百五十天线时，好多人唔系担心熊市重临咩？到依家又质疑牛市未死，此乃熊市二期特色。股市只系上下摆动，应利用低风险时入市（例如超卖之时），高风险时离市（例如超买之时），何须计较系牛系熊？熊市反弹通常快而急，指数由极度超卖重返合理水平，6月13日至今表现符合上述要求。熊市策略系常保弹药，呢次恒指同五十天线接吻，系咪 goodblye Kiss？贝南奇过去五个月表现唔系有迹可寻，以其一时一样嘅言论，跟住佢冇啖好食。如从核心通胀率睇，未来加息潮未完。
睇多一两天再算
周四道指成分股中，升幅最大系麦当劳升4。6％（因美林推介），其余系资源股及交通股。银升1。9％，铜价升4％，见三点三二美元一磅；银价上升1。9％，见十点四五美元；油上升1。8％，见七十三点五二美元。First Trust Advisors 公司嘅 Bill Mulvihill 仍相信年底利率见六厘。欧罗升0。88％，见1。2659美元；日圆升1。01％，见115。18日圆，在在显示8月8日仍须加息。周四联储局系2004年6月以嚟首次有表示考虑下次加息，而改为话睇未来数据。上述态度改变令道指上升接近2％，纳指升接近3％；加上美国商业部公布美国首季 GDP 升5。6％，似乎唔受高油价影响。上述消息令唔少市场评论员主张好消息入货，周四美股上升系〃一天的疑惑〃抑或系6月13日股市真系见底？今年2月1日贝南奇上任后。佢嘅左摇右摆言论已唔止一次令市场作出错误决定。周四系咪另一次淡友大平仓行动？我老曹意见系睇多一、两天再算，因市场常常出现半杯水现象，例如周二道指下跌120点，周四又急升217。4。
商品价格再升，令未来通胀压力加大而非减少，担心贝南奇再犯七十年代联储局主席米路士同样错误，最后令投资市场对美元失去信心引发美元汇价急跌，全世界进入恶性通胀期。由此可见，由边个做领导好重要。中国由毛泽东领导时，便大搞文化大革命；改由邓小平领导，便搞改革开放……。结果1978年中国经济一穷二白，到今天中国却坐拥全球最多外汇储备。我老曹愈嚟愈肯定贝南奇只宜做教授，唔适合做联储局主席。未来美国经济继续左摇右摆，好易玩死人。
加息会否伤害经济？要视乎利率水平而定。如利率高于 CPI 增长率二厘以上，肯定可造成伤害，反之则唔会。美国今年首季 GDP 上升5。6％，系�
